امیر پازواری

شمارهٔ ۲۰

تِهْ عِشقْ پِرْکَسِ دِلْ رِهْ بِساتِه آمٰاجْ

تِهْ عِشقْ پِرْکِسِ خُونِهْ (خِنِهْ) بِساتِهْ تٰاراجْ

تٰا هَمینْ مَستی هَسْتِمِهْ تِه عِشْق آواجْ

تِه دُومْ دَکتِمِهْ سی سَرْ، نمّه تِهْ بٰاجْ

تامِهْ دِ چِشْ تِهْ مٰاهِ جِمالْ بَدی فاج

بِدامِهْ تِنِهْ عِشقْ دِل وُ دینْ بِهْ تٰارٰاجْ

بِهایِ تِنِهْ خِشْ نییِهْ تِهْ سَرِ تٰاجْ

ایروُونْ تٰا بِهْ تُوروُنْ، تِهْ وِلایِتِ بٰاجْ